World Liver Day celebrated
‘हामीले खाने खाना नै औषधि हो’ भन्ने नाराका साथ आज अप्रिल १९ का दिन, ‘विश्व कलेजो दिवस’ मनाइदैं छ। सो अवसरमा शहीद धर्मभक्त राष्ट्रिय प्रत्यारोपण केन्द्र, भक्तपुर र कैलाशकूट सामाजिक अभियान, हाडिगाउँले संयुक्त रूपमा हाडिगाउँमा नि:शुल्क स्वास्थ्य तथा अंग दान शिविर आयोजना गरे। सोही कार्यक्रममा कलेजो तथा अन्य अंगहरु फेल हुनबाट बचाउने तरीका, अंगदान र प्रत्यारोपणसम्बन्धी अन्तरक्रिया कार्यक्रम पनि आयोजना गरिएको थियो।
नेपालमा कलेजो प्रत्यारोपण शल्यक्रिया सुरु गर्ने डा. पुकार चन्द्र श्रेष्ठले कलेजो फेल हुनुका कारणहरू र त्यसको रोकथामका बारेमा प्रवचन दिनुभएको थियो। उनले नेपालमा कलेजो प्रत्यारोपणको इतिहास र मृत्यु पछि विशेष गरी अंगदानको बारेमा जागरूकताको आवश्यकताको बारेमा पनि व्याख्या गरे। ब्रेन डेथ डोनर ट्रान्सप्लान्ट कार्यक्रमकी अध्यक्ष डा. कल्पना श्रेष्ठले देशमा अंग दानको अवस्थामाथि प्रकाश पर्नुभयो र सबैलाई अंग दान गर्न आग्रह गर्नुभएको थियो।
कैलाशकूट सामाजिक अभियानका अध्यक्ष महेश कुमार श्रेष्ठले कलेजो तथा किड्नी स्वास्थ्यको महत्त्वमाथि प्रकाश पारे र आफ्नो मृत्यु पछि अंग दान गर्ने घोषणा गरे। लगभग १०० स्थानीय बासिन्दाहरूको अल्ट्रासाउन्ड सहितको स्वास्थ्य जाँच गरिएको थियो, जसमध्ये ८ जनाले मृत्युपछि अंग दाताको फारम भरेका थिए।
